பெண்
பெண் - உயிர்மெய்யும் மெய்யும் கலந்த
இரண்டு தமிழ் எழுத்து!
ஒற்றைக் கொம்பைப் போல்
ஒரு
நாள் வளைத்து விடலாம்.
'ப' என்னும் பெட்டிக்குள்ளே
பாங்காய் அடைத்து விடலாம்.
நினைத்தான் ஒருவன் - மறு நாள்
மலைத்தான்!
'ண்'னில் உள்ள புள்ளி
போல்
எட்ட நின்று...
அவள்
'ண' - வைச் சுற்றி சுற்றி
எழுதுதல் போலே அவனைச் சுற்றி
தலை கிறங்கச் செய்து -
சென்று விட்டாள்!
ஓ!... பெண் -
எத்தனை அர்த்தம் பொதிந்த
இயல்பான இன்தமிழ் எழுத்து!
பெண் - இரண்டு தமிழ் எழுத்து!
No comments:
Post a Comment