தூது

தென்றலைத் தூதுவிட்டால்
அது திசைமாறிப் போய்விடலாம்
திங்களைத் தூதுவிட்டால்
அது தேய் பிறையில் மாய்ந்திடலாம்
அன்றிலைத் தூதுவிட்டால்
அது இணைதேடிப் போய்விடலாம்

மங்கையைத் தூதுவிட்டால்
அவள் மனம் மாறிப் போய்விடலாம்
மேகத்தைத் தூதுவிட்டால்
அது கலைந்தோடிப் போய்விடலாம்
ராகத்தைத் தூதுவிட்டால்
அது லயம் தேடிப் போய்விடலாம்

பாரினிலே யாருமில்லை
என் பாவையிடம் தூது செல்ல
யாரையுமே நம்பாமல்
என் இதயத்தையே தூது விட்டேன்.